Пензада Идел буе федераль округының хәрби-патриотик җыеннары тәмамланды. Идел буе федераль округының 14 төбәгеннән, ДНР, ЛНР, Запорожье өлкәсеннән һәм Беларусь Республикасыннан 360 тан артык катнашучы спорт дисциплиналарында һәм интеллектуаль конкурсларда иң яхшылар исеме өчен көрәште.

Составына Идел буе федераль округының Советлар Союзы Герое Гани Сафиуллин исемендәге Татарстан кадет корпусы укучылары кергән Татарстан Республикасы командасы, АК-74 автоматын сүтеп җыю, өстәл теннисы буенча ярышларда, шулай ук Россия тарихына багышланган «Интеллектлар ярышы» интеллектуаль викторинасында беренче урынны алып, яхшы нәтиҗәләр күрсәтте.

Яшьләрне лаеклы җиңүләре белән котлыйбыз һәм аларга укуларында, спортта һәм иҗтимагый эшчәнлекләрендә уңышлар телибез!