Бу хакта Мэриянең ВКонтактедагы рәсми төркемендә трансляцияләнгән туры эфирда Түбән Кама муниципаль районының баш архитекторы Эмиль Сираҗетдинов җиткерде. Реконструкция Корабельная урамыннан Урман урамына кадәрге участокка кагылачак.

Бүгенге көндә бу юлның торышы яхшы хәлдә түгел: өслеге зарарланган, тирән чокырлар барлыкка килгән, җәяүлеләр сукмаклары яңартуны таләп итә. Ремонт бөтен магистральне комплекслы яңартуны, шул исәптән асфальт түшәмәне торгызуны, тротуарларны реконструкцияләүне һәм юл буе территорияләрен төзекләндерүне күздә тота. 

Эмиль Сираҗетдинов алда торган эшләрнең мөһимлеген ассызыклады: «Химиклар проспекты — безнең шәһәрнең төп күчәре, нәкъ менә шушы юл буенча күпләр шәһәребезнең төзекләндерү дәрәҗәсен бәяли. Эшләрнең күләме шактый, алар транспорт хәрәкәте куркынычсызлыгын һәм шәһәр халкы һәм кунаклары өчен хәрәкәт итү уңайлылыгын сизелерлек арттырырга мөмкинлек бирәчәк».