Әниләр көне алдыннан Түбән Кама муниципаль районының ЗАГС идарәсендә тантаналы чара узды. Быел дүрт гаилә: бишенче баласы туган өч күпбалалы гаилә һәм өченче баласы туган СВО катнашучысы гаиләсен хөрмәтләделәр. Тантана гаилә кыйммәтләренә ярдәм итүгә һәм җәмгыятьтә ана ролен тануга юнәлдерелгән еллык акциянең бер өлеше булды.

Чарада Түбән Кама муниципаль районы Башкарма комитеты, Дәүләт һәм иҗтимагый оешмалар вәкилләре, депутатлар катнашты. Татарстан Республикасында Кеше хокуклары буенча җәмәгать ярдәмчесе Чулпан Ульданова гаиләләргә истәлекле бүләкләр тапшырды. 

Түбән Кама муниципаль районы Башкарма комитеты җитәкчесенең социаль мәсьәләләр буенча урынбасары Илдар Рамазанов гаиләләрне балалар тууы белән котлады: “Сезгә шәһәрнең демографик потенциалын үстерүгә керткән өлешегез өчен рәхмәт белдерәм. Ата-аналар хезмәте бик мөһим, сез - бөтен җәмгыять өчен гаилә бердәмлеге үрнәге".