Илнең һәр төбәгендә перспективалы Россия брендларына ярдәм итү максатыннан «Безнекеләрне бел» конкурсының өченче сезоны старт алды. Конкурста җитештерүнең кимендә 30% локальләшү дәрәҗәсен һәм тотрыклы үсеш темпларын күрсәтүче кече һәм урта эшмәкәрлек субъектлары катнаша ала. Гаризалар 15 майга кадәр кабул ителә.

Конкурс биш төп юнәлешкә бүленгән:

• «Илкүләм социаль инициатива»

• «Илкүләм эшкуарлык инициативасы»

• «Илкүләм технологик инициатива»

• «Илкүләм кадрлар инициативасы»

• «Илкүләм экологик һәм климат инициативасы».

Җиңүчеләрне июльдә Түбән Новгородта бүләкләячәкләр, аларга үсеш өчен киң мөмкинлекләр бирәчәкләр: маркетплейсларга чыгудан алып грант ярдәме алуга кадәр. Шул ук мәйданчыкта 17-18 июльдә «Яңа заман өчен көчле идеяләр» форумы узачак, анда эшмәкәрләр үз идеяләрен экспертлар һәм фикердәшләре белән эшләп бетерә алачак.