«ЭКОяз-2026» язгы экологик кампаниясе кысаларында җыештыру өмәсенә хәтта иң яшь активистлар да кушылды. Түбән Кама районының Городище авылында яшәүче Екатерина Ермилова, «Чиста йорт яны территориясе» акциясендә катнашып, торак пунктны төзекләндерүгә өлеш кертте.

 Беренче сыйныф укучысы тирә-яктагы территориядә тапкан бөтен чүп-чарны мөстәкыйль рәвештә җыйган. Кызның әти-әнисе инициативаның Катяның үзеннән чыгуын билгеләп үтте: «Без балаларыбызның кечкенәдән үк әйләнә-тирә мохитне кайгыртуның мөһимлеген аңлаулары белән бик горурланабыз. Чисталык һәрберебездән башлана, һәм Катяның мисалы – моңа бик яхшы дәлил».