“Татарстан Республикасы Түбән Кама  муниципаль районы  Башкарма комитеты мәдәният идарәсе” муниципаль бюджет учреждениесе

1973 елда Түбән Кама шәһәр Советы Башкарма комитеты мәдәният бүлеге оеша.  Хакимият башлыгы карары белән ул мәдәният һәм спорт идарәсе итеп үзгәртелә. Ведомствога караган спорт  һәм мәдәният объектларын һәм корылмаларын  коммуналь милеккә күчерү сәбәпле, 1994 елның 1 гыйнварыннан мәдәният идарәсе, физкультура һәм спорт комитеты аерым структур бүлекчәләр булып эшли башлый.

Бүгенге көндә Түбән Кама  муниципаль районы  мәдәният өлкәсе структурасы үз эченә 95 учреждениене ала, аларның 93 е - муниципаль, 2 се - дәүләти. Шәһәрдә 4  коммерцияле  учреждение ("Титан", "Лагуна"  күңел ачу комплекслары,  "Җәлил", "Синема 5" кинотеатрлары),  7 ял паркы (Аттракционнар паркы, Нефтехимиклар паркы, Г.Тукай исемендәге уку һәм ял паркы, “Кояшлы Алан”, “Гаилә” парклары, Лемаев исемендәге, “Татнефть-Нефтехим ИК"  ҖЧҖ скверлары бар. Районның мәдәният тармагында 1030 кеше хезмәт куя.

Түбән Кама  муниципаль районы  мәдәният өлкәсендә республика күләмендә алдынгылардан санала. 2002 елда аңа “Идел буе Федераль округының мәдәни башкаласы” статусы бирелә. 2011 елда Түбән Кама  муниципаль районы мәдәният идарәсе  ТР Мәдәният министрлыгы коллегиясендә “Ел лидеры” исеменә лаек булды.