Түбән Камада шәһәрне җыештыру буенча традицион язгы икеайлык башланды. «КПБ» МУП белгечләре кыштан соң территорияне актив чистарталар һәм урамнарга  тәртип кайтаралар.

Эшләр өчен техника — катнаш юл машиналары (КДМ) кулланыла, алар бордюрларны, тукталышларны һәм юл киртәләрен яхшылап юалар. Җәмәгать транспорты тукталышларын берничә этапта чистарталар. Башта аларны сабын эремәсе белән эшкәртәләр, аннары яхшылап сөртәләр һәм иске ябыштыргычларны алып ташлыйлар. Көненә бер бригада 10 тукталышны тәртипкә китерергә өлгерә, ә планда 200 объект бар .

Быел Түбән Камада да бордюрлар юа башладылар. Транспорт һәм җәяүлеләргә комачауламас өчен, мондый эшләрне төнлә, хәрәкәт минималь булганда башкарырга тырышалар.