Россия Федерациясе ГХАТ органнары тарихы 1917 елның 18 декабреннән башлана. Түбән Кама ГХАТ органы тарихы исә 1961 елга карый. 1967елда Түбән Камада шәһәр һәм район ГХАТ бюролары эшли башлый. 2002елда алар берләштерелә, Түбән Кама Гражданлык хәле актларын теркәү идарәсе оеша.
Гражданлык хәле актларын дәүләт теркәве гражданнарның милеккә һәм башка хокукларын саклау, шулай ук дәүләт мәнфәгатьләреннән чыгып билгеләнә. Гражданлык хәле актларын теркәү идарәсе, гамәлдәге Закон нигезендә, гражданлык хәленең түбәндәге актларын теркәүне тормышка ашыра:
1. Туу;
2. Язылышу;
3. Аерылышу;
4. Уллыкка (кызлыкка) бала алу;
5. Баланың атасы булуны билгеләү;
6. Исем алыштыру;
7. Вафат булу.
ГХАТ идарәсе башка юридик хезмәтләр - таныклык һәм белешмәләрне кабат бирү, гражданлык хәле актларына төзәтмәләр һәм үзгәрешләр кертү эшен дә башкара.
Гражданлык хәле актларын теркәү өчен гаризаларны ГХАТ идарәсенә кәгазь вариантта да, дәүләт һәм муниципаль хезмәтләр күрсәтү порталы аша (uslugi.tatarstan.ru/zags) электрон вариантта да тапшырып була.
