Чистай һәм Түбән Кама епискобы Пахомий Г.Тукай исемендәге Үзәк китапханәдә оештырылган дискуссия клубында кунакта булды. Югары сыйныф укучылары белән бергә ул Федор Михайлович Достоевский әсәрләрендәге Евангелие образларын анализлады. Очрашуның Православие китабы көне алдыннан узуы аеруча символик булды.

"Достоевский безнең игътибарыбызга лаек. Ул бик тирән язучы, аны өстән-өстән генә укысаң, аңлавы авыр. Безнең очрашу мөһим нәрсәләр турында җитдирәк һәм төплерәк уйланырга ярдәм итәчәк", - дип билгеләде епископ Пахомий.

Достоевский дини трактатлар язмаса да, Евангелие образлары аның әсәрләрендәге геройларның идея эчтәлеген һәм эчке дөньясын ачуда төп роль уйныйлар. Өлкән сыйныф укучылары язучының төп биш романы буенча фикерләре белән уртаклаштылар, үз чыгышларында автор кулланган Евангелие образларының асылын һәм мәгънәсен аңлауларын күрсәттеләр.