«Гаилә» паркында республикада беренче булып шәһәр территориясендә урнаштырылган тимер-бетон яшеренү урын барлыкка килде. Сынау проекты Белгород өлкәсе үрнәгендә гамәлгә ашырылган.

Конструкция федераль ГОСТ нигезендә эшләнгән һәм һава һөҗүмнәре вакытында кешеләрне кыйпылчыклардан саклау өчен билгеләнгән. Вакытлыча яшеренү урынына 20 кешегә кадәр урнаштырырга мөмкин.

Шәһәр мэры Радмир Беляев объектны карады. Аның сүзләренчә, бу тәҗрибә проектны масштаблаштыру өчен башлангыч нокта булачак. Мондый яшеренү урыннары тревога сигналы вакытында куркынычсыз урынга кадәр юлны кыскарту өчен кирәк.

Тимер-бетон яшеренү урыннарын башка паркларда һәм скверларда, шулай ук магистраль юлларда урнаштыру планлаштырыла. Шундый ук конструкцияләрне кече һәм урта бизнес мәйданчыкларында җиһазландырырга тәкъдим итәчәкләр.