Түбән Каманың 38 нче лицеенда мәгариф өлкәсендә инновацион проект старт алды. Шәһәр мэры Радмир Беляев хәбәр иткәнчә, Нефтьчеләр көнендә «Татнефть» хәйрия фонды ярдәмендә «Цифрлы иҗат академиясе» структур бүлекчәсе тарафыннан гамәлгә ашырыла торган мәктәп биолабораториясенең яңа проекты тәкъдим ителгән.

Бүгенге көндә әлеге хәрәкәтнең инфраструктурасына 11 гамәлдәге лаборатория, өч теплица һәм ике адаптация үзәге керә, анда фәндә беренче адымнарын 150 дән артык укучы ясый. Яңа Түбән Кама мәйданчыгы әлеге чылбырда уникенче булачак. Биредә укучыларга чын тикшеренү эше белән шөгыльләнергә: үсемлекләрне клонлаштырырга, аларны теплица һәм мини-ботаника бакчасы шартларында карарга мөмкинлек биреләчәк.

Радмир Беляев проектны хуплады: «Күбебез һәр мәктәпнең диярлек үз бакчасы яки яшелчә түтәлләре булган вакытларны хәтерли, анда балалар педагоглар белән бергә үсемлекләр үстерә иде. Бүген бу идея заманча технологияләр һәм фәнне кулланып яңа, заманча үсеш ала».