Түбән Кама үзәк район күп профильле хастаханәсенең кардиология бүлеге мөдире Ольга Краснова Түбән Камада 13 июльгә кадәр көтелә торган 30 °C югарырак аномаль эсседә үзеңне ничек тотарга кирәклеге турында сөйләде. 

Аның сүзләренә караганда, һаваның югары температурасы йөрәк-кан тамырлары авырулары булган пациентлар өчен аеруча куркыныч.

Кояш сугуның төп билгеләре:

- баш авырту

- баш әйләнү

- күңел болгану

- тән температурасының күтәрелүе

Белгечләр Түбән Камада яшәүчеләргә көчле эсселекне ничек кичерергә кирәклеге турында биш төп киңәш әзерләде:

1. Организмга даими су сорала. Җитәрлек күләмдә сыеклык эчәргә кирәк — көн саен 1,5 литрдан да ким булмаган су. Шикәр һәм кофеинлы эчемлекләрдән баш тартыгыз.

2. Кызу сәгатьләрдә кояшлы урыннан качыгыз. Иртәнге 11 белән кичке 17 арасындагы чор урамда булу өчен аеруча куркыныч. Кояштан саклау чаралары һәм баш киемнәре кулланыгыз.

3.Киемне дөрес сайлагыз: табигый материаллардан иркен, җиңел тукымага өстенлек бирегез, мамык яки җитен тукымаларны сайлагыз.

4. Артериаль басымны контрольдә тотыгыз. Әгәр дә сез гипертония белән интегәсез икән, даруларны даими рәвештә эчегез һәм кан басымын үлчәгез.

5. Җиңелчә кичке аш ашагыз: рационга яшелчә һәм яшел үсемлекләрне күбрәк кертегез, майлы ризыклар, кыздырылган ризыклар һәм ачы ризыклар куллануны чикләгез.

Эсселек 14 июльдә генә, температура якынча +20°C ка җиткәч кенә төшәчәк. Гади киңәшләрне үтәү һаваның югары температурасын уңайлы кичерергә мөмкинлек бирәчәк.