Түбән Кама үзәк район хастаханәсендә варикозны җиңеләйтелгән ысул белән – операциясез дәвалый башладылар. Бу заманча лазер аппараты сатып алу нәтиҗәсендә мөмкин булды. Җиһаз инде 3 нче хирургия бүлегендә кулланыла.

Элек мондый операцияләр өчен озак тернәкләнү таләп ителә иде - хәзер ул якынча бер сәгать вакыт ала, ә процедурадан соң пациент мөстәкыйль рәвештә өенә китә ала. «Аппарат искиткеч уңайлы. Бу технологияне табиблар да, шәһәр халкы да түземсезлек белән көтте», – дип билгеләп үтте 3 нче хирургия бүлеге мөдире Дамир Вәлиулин.