Түбән Каманың 60 еллыгы уңаеннан шәһәрдә яңа истәлек билгеләре, шәһәр үсешенә зур өлеш керткән күренекле якташларыбыз хөрмәтенә мемориаль такталар пәйда булды.

Аларны Түбән Каманың мактаулы гражданнары яшәгән йортларга урнаштырдылар: Мәктәп бульвары, 8 адресы буенча - Гаяз Җамик улы Сәхапов һәм Владимир Павлович Беляев яшәгән; Химиклар проспекты, 36 адресы буенча - Кәрим Хәмидулла улы Вәлиуллин; Тукай ур., 7 адресы буенча - Фәрит Бәдретдин улы Баһаветдинов.

Бу кешеләр Түбән Каманың төзелү башында торалар, алар сәнәгатьне үстерәләр, предприятиеләр, торак йортлар, мәктәпләр һәм социаль объектлар төзиләр. Аларның хезмәте нәтиҗәсендә зур булмаган эшчеләр бистәсе заманча шәһәргә әверелде.