24 сентябрьдә 14:00 сәгатьтә ТР Тарифлар буенча Дәүләт комитеты видеоконференцэлемтә режимында гражданнарны дистанцион кабул итәчәк. Катнашу өчен түбәндәге сылтама буенча күчәргә кирәк: https://goskomitet.ktalk.ru/ambn2t8p7snb, тулы исемегезне һәм торак пунктны күрсәтү, камераны кабызу һәм тоташу сорала.

Консультацияне халыкның социаль яктан якланмаган һәм аз керемле категорияләренә караган авыл халкы, шулай ук авыр тормыш хәлендә калган гражданнар ала алачак.

Гражданнар гамәлдәге тарифлар, аларны билгеләү һәм үзгәртү тәртибе турында мәгълүмат, шулай ук үз сорауларына җаваплар ала алачак.