Эш сәфәре кысаларында Татарстан Республикасы премьер-министры урынбасары — республика икътисад министры Мидхәт Шаһиәхмәтов «Полимер Сервис» оешмасында булды, анда ул полимер калдыкларны эшкәртүнең һәм икенчел гранула чыгаруның җитештерү процесслары белән танышты.

Предприятие полиэтилен пленка калдыкларын эшкәртүдә махсуслашкан. Төп продуктларның берсе – ПВД икенчел грануласы һәм стрейч, алар пленкалар, техник торбалар һәм автокомпонентлар җитештергәндә кулланыла, шулай ук үз икенчел грануласыннан чүп өчен капчыклар чыгарыла.

Бүген предприятие яңа юнәлешне – корыч торбаларны коррозиядән саклау өчен билгеләнгән композицион материалны, шулай ук чыбыклар һәм кабельләр өчен саклагыч өслекләрне үстерә.

Производствоны алга таба үстерү өчен «Полимер Сервис» мәйданнарны киңәйтүне һәм чималны сортларга аеру һәм әзерләү буенча үз юнәлешен булдыруны планлаштыра. Әлеге планнарны тормышка ашыруда предприятиегә Түбән Кама администрациясе ярдәм күрсәтә.

Полимер калдыкларны эшкәртүне үстерү кирәкле продукция тудырырга гына түгел, ә регионда йомык цикллы икътисад булдыруга да ярдәм итә.