Түбән Кама районы башлыгы Радмир Беляев сәнәгать зонасында иртәнге инцидент нәтиҗәсендә зыян күрүчеләр белән очрашу өчен шәһәр хастаханәсендә булды. Түбән Кама район хастаханәсе баш табибы Сергей Мерясев белән берлектә ул пациентлар палаталарын йөреп чыкты һәм аларга тизрәк терелүләрен теләде.

"Авыр зыян күрүчеләр юк. Нигездә бу җиңел җәрәхәтләр. Уртача авырлыкта ике кеше бар. Барысына да кирәкле ярдәм күрсәтелә, хастаханәнең моның өчен ресурслары бар. Зыян күрүчеләрнең бер өлеше иртәгә үк чыгарылачак, калганнары тулысынча савыкканчы күзәтү астында калачак. Волонтерлар да ярдәм итә", - дип билгеләп үтте район башлыгы. 

Радмир Беляев ассызыклаганча, вәзгыять аның шәхси контролендә.