Түбән Камада 2026 елда Президент грантлары фондының икенче конкурсында җиңүче булган «Этнолидерлар лабораториясе: киләчәкне төзибез» проекты старт ала. Милләтара һәм динара татулыкны ныгыту юнәлешендә ил буенча 483 гаризаның 35 е ярдәм алды. Татарстан Республикасыннан «Урал» башкорт милли-мәдәни автономиясе һәм Түбән Кама химия-технология институтының бердәнбер уртак проекты җиңде.

Проект сентябрьдә эшли башлаячак һәм ел дәвамында гамәлгә ашырылачак. Аның төп максаты – яшьләрне милләтара диалогны үстерүгә җәлеп итү, мәдәни күптөрлелекне саклау һәм халыкларның бердәмлеген ныгыту. Катнашучыларны практик эш көтә: белем бирү һәм иҗади чаралар, команда проектлары һәм этномәдәни мохиткә чуму.

Оештыручылар сүзләренчә, проект яшь лидерлар үсеше өчен мәйданчык булачак һәм катнашучыларга үз-үзләрен тормышка ашыру, мәгариф һәм иҗтимагый эшчәнлек өлкәсендә карьера үсеше өчен яңа мөмкинлекләр бирәчәк.

Катнашуга Түбән Каманың актив яшьләре чакырыла. Тулырак мәгълүмат шәһәр ресурсларында һәм социаль челтәрләрдә өстәмә рәвештә бастырылачак.