Түбән Камада җәмәгать киңлекләрен талпаннарга каршы эшкәртү эше дәвам итә. 29 апрельдән 4 майга кадәр «Татарстан Республикасында Гигиена һәм эпидемиология үзәге» федераль бюджет сәламәтлек саклау учреждениесе филиалы белгечләре гомуми мәйданы 139,9 га булган территорияне эшкәрттеләр.

Эшләр түбәндәге урыннарда башкарылды:

✓ Шәһәр белән янәшә урнашкан Красный Ключка кадәрге «Шифалы» урман массивы

✓ Красный Ключ поселогындагы экосукмак

✓ «Гаилә» паркы

✓ «Батыр» спорт комплексы артындагы экосукмак

✓ Г.Тукай исемендәге уку һәм ял паркы

7 майда Кама Аланы шәһәр тибындагы поселогындагы «Оазис» паркында һәм «Сөенеч» скверында талпаннарга каршы эшкәртү эшләрен башкарырга планлаштыралар.

Моннан тыш, Түбән Кама һәм Кама Аланындагы Сабантуй территорияләре бәйрәм чаралары башланырга 5-6 көн кала өстәмә эшкәртеләчәк.