Бүген, 1 майда, шәһәрнең елга портына яңартылган «Казан — Яр Чаллы» тизйөрешле маршрутының беренче рейсы килеп җитте. Әлеге мизгелне төшереп алу һәм су асты канатларында «Герман Серебренников» дигән заманча судноны каршы алу өчен түбәнкамалылар пристаньга җыелдылар.

Татарстан Республикасы Түбән Кама муниципаль районы башкарма комитеты җитәкчесенең беренче урынбасары Марсель Хәйретдинов: «Түбән Кама — сәнәгать предприятиеләре һәм яшел парк-скверлар гармонияле рәвештә үзара ярашкан кунакчыл җир. Кунаклар безнең татар милли ашларына бәя бирә ала, гидларыбыз исә районның тарихы һәм истәлекле урыннары турында шатланып сөйләячәк. Барыгызга да якты тәэсирләр телим!» - дип җиткерде.

Иртән судно Казаннан китә, ә инде 13:20 сәгатьтә пассажирлар Түбән Камага килеп җитәләр. Маршрут атна саен җомга, шимбә һәм якшәмбе көннәрендә гамәлдә булачак. Рейслар 1 майдан 30 августка кадәр башкарылачак. Чистайга кадәр маршрут исә расписаниедә 11 октябрьгә кадәр сакланачак.