Түбән Кама районы торакны файдалануга тапшыру буенча еллык планны вакытыннан алда үтәде. 28 апрельгә бу күрсәткеч билгеләнгән 60 мең «квадрат»тан 60,3 мең кв.метрга җиткән. Бу хакта «Эшлекле дүшәмбе»дә Түбән Кама муниципаль районы башлыгы Радмир Беляев хәбәр итте.

Әлеге күләмдә шәхси торак йортлар (52,5 мең кв.м), социаль ипотека программасы буенча фатирлар (1,7 мең кв. м) һәм коммерцияле торак (6 мең кв. метр) исәпкә алынган.

«Димәк, йөзләгән гаилә якын арада өй туе үткәрә һәм яңа микрорайоннарда фатир ачкычлары ала алачак. Май аенда без социаль ипотека программасы буенча яңа этапны планлаштырабыз, анда торакны шәһәр тормышының төрле өлкәләрендә эшләүчеләр алачак», — дип билгеләде Радмир Беляев.