Яшь тамашачылар театрында танылган мультфильм мотивлары буенча «Мамонтёнок» балалар спектаклен күрсәттеләр һәм композитор Раймонд Паулска багышланган концерт булды. «Зур гастрольләр» проекты СИБУРның «Яхшы эшләр формуласы» социаль инвестицияләр программасы ярдәмендә гамәлгә ашырыла.

«Мамонтёнок» балалар мюзиклы – балалар өчен бөтенроссия спектакльләр конкурсы лауреаты. Кичке концерт та түбәнкамалыларга ошады.  

Сәхнәдә Мәскәү артистлары белән бергә «Мечта» музыка мәктәбенең Түбән Кама балалар хоры да чыгыш ясады.