Яңа ел алды «Эшлекле дүшәмбе» киңәшмәсендә узып баручы елга нәтиҗәләр ясалды. Шулай ук киңәшмәдә бүген 87 яшен тутыручы легендар төзүче Рафаил Глянцны да котладылар.

«Рафаил Григорьевич исемендә беренче төзүчеләргә, беренче һәм гамәлдәге җитәкчеләргә, янәшәбездә булганнарына һәм, кызганыч, безнең янда инде булмаганнарына рәхмәт әйтәсем килә. Алар барысы да Түбән Кама үсешенә зур өлеш кертте. Хезмәтегез өчен зур рәхмәт!» - диде Рамил Муллин.

Рафаил Глянц үзе дә сүз алып, Түбән Камада узган тормыш хатирәләре белән уртаклашты.