3 июльдә Үзәк җәмигъ мәчете (Химиклар пр., 59) территориясендә кабат күчмә диспансеризация узачак. Диспансеризацияне 8:00 дән 12:00 гә кадәр үтәргә мөмкин.

Программада:

• ирләр һәм хатын-кызлар өчен аерым палаткалар - барысы да сезнең уңайлылык өчен уйланылган;

• буй, авырлык, басымны үлчәү, ЭКГ;

• кан алу (ач карынга килергә кирәк);

• флюорография һәм маммография — мәчет территориясендә, күчмә флюорография комплексы ярдәмендә.

Паспорт һәм ОМС полисын алырга онытмагыз.

Диспансеризация «Озын һәм актив тормыш» илкүләм проекты кысаларында уза.