Түбән Каманың СИБУР предприятиесе токаре Максим Демин «кадрлар» илкүләм проекты кысаларында үткәрелә торган «Һөнәре буенча иң яхшысы» бөтенроссия һөнәри осталык конкурсының көмеш призеры булды. «Түбән Кама нефтехим»ның ремонт-механика заводы хезмәткәре югары нәтиҗә өчен 500 мең сум күләмендә федераль грант алачак.

Россиянең иң көчле токаре исеме өчен бөтен илдән 20 иң яхшы белгеч — төбәк этапларында җиңүчеләр көрәшкән.

Максим Демин ремонт-механика заводында инде 14 ел эшли һәм 5 нче разрядлы программа белән идарә ителә торган станоклар операторына кадәр юл узган.

Оста киләчәктә яшьләргә тәҗрибә тапшырачак, яңа цифрлы биеклекләр үзләштерәчәк һәм Мәскәүнең Кремль сараенда лаеклы бүләген алачак.