Иреклеләр көне уңаеннан РФ Дәүләт Думасы депутаты Айдар Метшин Советлар йортында Түбән Каманың МХО катнашучыларына ярдәм итүче 37 волонтерга рәхмәт хатлары тапшырды.

Махсус хәрби операциядә барлыгы 1577 якташыбыз катнаша. Рәсми рәвештә Татарстанда МХО сугышчыларына ярдәм итүче 157 меңгә якын волонтер исәпләнә.

Моннан тыш, республикада 35 тән артык ирекле халык хәрәкәте эшли. Түбән Камадан Хәрби кардәшлек һәм "Игелекле йөрәкләр" волонтерлык хәрәкәте вәкилләре МХО катнашучыларына һәм аларның гаиләләренә гуманитар ярдәм күрсәтә.