Декабрьдә СИБУР түбәнкамалылар өчен компаниянең 30 еллыгына булдырылган «Сценарий бүлмәсе» кыска метражлы фильмын бушлай күрсәтүгә әзерләде. Фильм – 2025 елда «ТЭФИ-Капитал» премиясенең «Digital Проект» номинациясендә җиңүче.

Фильмның төп геройлары планетаның киләчәге, экологик һәм социаль проблемаларны хәл итү, космосны үзләштерү һәм бу процессларда полимер материалларның роле турында фикер алышалар. Сәнгать сюжетын һәм документалистиканы берләштергән картинада Константин Хабенский, Юлия Пересильд һәм Сергей Минаев үзләрен – сәнгать эшлеклеләрен уйныйлар, алар, режиссерны көткән арада, Җир шарын коткару турындагы яңа фильмның мөмкин булган сценарийлары турында фикер алышалар. Әмма ниндидер мизгелдә геройлар үзләре сценарий эчендә дип шикләнә башлый.

«Хәзер күп тамашачылар полимерларның технологик прогресс үсешендә генә түгел, аларның тормышында да нинди роль уйнавын белерләр дип ышанам. Шәхсән мин ышанам, киләчәк, ничек кенә карасаң да, полимерлы!» – дип билгеләде актер Константин Хабенский.

Түбән Камада бушлай кино күрсәтүләр җәдвәле:

«Синема 5» кинотеатры («Сити Молл» сәүдә-күңел ачу үзәге):

• 7 декабрьдә – 15:00

• 9 декабрьдә – 18:30

• 14 декабрьдә – 15:30

• 17 декабрьдә – 18:30

«БАЗА» креатив индустрияләр үзәге (Урман ур., 53):

• 4 декабрьдә – 13:00

• 6, 13, 16 декабрьдә – 15:00