Түбән Кама комплекслы музеенда Ватанны саклаучылар елын җирле рәссамнарның «Алар Ватан өчен көрәштеләр» күргәзмәсе белән ачтылар. Экспозиция МХО геройларына һәм катнашучыларына, шулай ук төрле тарихи елларда Ватанны саклаган кешеләргә багышланган.

Ачылышта шулай ук тыл геройлары – алгы сызыктагы сугышчыларга ярдәм итүче волонтерлар турында да сөйләштеләр. Рәссам Илдус Мортазин үз хезмәтләре белән Җиңүне якынайтучы Лариса Орлова, Владимир Матвеев, Александр Ребров, Римма Корбанова һәм Фидаил Зарипов портретларын тәкъдим итте.

Сугышчыларыбыз имзасы төшерелгән флаглар күргәзмәнең үзәк элементларының берсе булды, аларны «Мәрхәмәтле йөрәкләр» проекты инициаторы Лариса Орлова җитәкләгән гуманитар ярдәм пункты тапшырган.