Түбән Камада кичә шәһәрнең 55 еллык юбилеен билгеләп үттеләр.

Иртәдән үк шәһәрнең төрле урыннарында  тантаналы чаралар узды. Сәгать 10да комплекслы музей янында «Без белдек: шәһәр булачак!» скульптур композициясе ачылды. Чара кысаларында Түбән Каманың 11 мактаулы гражданына таныклыклар тапшырылды.

Ә Халык иҗаты йортында Түбән Каманың 55 еллыгына багышланган фотокүргәзмә ачылды. Фотопроект уникаль рәсемнәрдән тора, аларның һәркайсы Татарстан һәм безнең шәһәр тарихын чагылдыра. Күргәзмә әле ай дәвамында эшләячәк.

18:00 сәгатьтә Кама яр буенда концерт программасы башланды.

Сәхнәдән «Түбән Каманың 55 тарихы» интернет-конкурсында катнашучыларны бүләкләделәр.

Түбәнкамалыларны котларга безнең якташларыбыз һәм Россиянең популяр башкаручылары килде. MINGAZOV татар кавер-төркеме, җырчылар ANN SU һәм Айгөл Рәхимова, ә аннары сәхнәгә Filatov&Karas төркеме чыкты. Коллектив билгеләп үткәнчә, бу аларга чыгыш ясарга туры килгән иң яшь шәһәр.

Бәйрәм  ахырында  Кама елгасының каршы ягыннан бик матур  салют бирелде.