2026 елның 1 гыйнварыннан квартал эчендәге юлларны кардан чистартуга Россиянең төньяк шәһәрләрендә инде күп еллар шундый эшчәнлек алып баручы яңа подрядчы кереште.

Оешма җитәкчесе Дмитрий Крец Түбән Камада кар җыю эшенең ничек оештырылуы турында сөйләде:

«Безнең автопаркта 16 фронталь төягеч һәм сигезләп үзбушаткыч бар. Без иртәдән кичкә кадәр эшлибез – техника туктамый. Ярты көн эчендә генә дә без 600 кубометр кар чыгардык. Хезмәткәрләр җитәрлек, техника бар. Без эшләнелгән чистарту графигы буенча эшлибез, шул ук вакытта мин шәхсән «Халык контроле»н карыйм, проблемалы участоклар барлыкка килгән очракта шәһәрлеләр канәгать калсын өчен көчләрне шунда күчерәм».

Исегезгә төшерәбез, магистраль юлларны «КПБ» ҖЧҖ карап тота, ишегалды зоналарын идарәче компанияләр чистарта.

Гаризаны түбәндәге телефон аша калдырырга мөмкин: +7 (8555) 351-072; +7 (8555) 351-000.