Түбән Камадан 44 нче янгын часте бүлекчәсе командиры Сергей Романов «Федераль янгынга каршы хезмәтнең шартнамә бүлекчәләренең иң яхшы хезмәткәре» республика һөнәри осталык конкурсында җиңүче булды.

Иң яхшысы исеме өчен Түбән Кама, Казан, Яр Чаллы һәм Әлмәт янгын сүндерү бүлекчәләре хезмәткәрләре көрәште. Катнашучыларга һөнәр буенча белемнәрен генә түгел, физик әзерлекләрен дә күрсәтергә кирәк иде.

Барлык сынаулар нәтиҗәләре буенча Сергей Романов иң яхшысы булды. «Киләсе елда минем хезмәттәшләремнең җиңү өчен көрәшү мөмкинлеге булачак, ә миңа Татарстанны конкурсның зона этабында тәкъдим итәргә туры киләчәк», — дип билгеләде Сергей.

Түбәнкамалы бөтенроссия һөнәри осталык конкурсының киләсе этабында республика данын яклаячак.