Бүген юбилеен Түбән Каманың беренче төзүчесе, элеккеге фашист концлагерьлары тоткыны һәм актив җәмәгать эшлеклесе Альбина Павловна Дыранова билгеләп үтә.

Альбина Павловнаны туган көне белән шулай ук шәһәрнең Ветераннар советы, «Шәфкать» үзәге һәм ТИҮС вәкилләре котлады. Аңа нык сәламәтлек, иминлек һәм озын гомер теләделәр, шулай ук чәчәкләр һәм истәлекле бүләкләр тапшырдылар. Юбилярга РФ Президенты Владимир Путин исеменнән котлау хаты тапшырылды.

Альбина Павловнаның язмышы илебез һәм Түбән Кама тарихы белән тыгыз бәйләнгән. Бөек Ватан сугышы елларында ул әнисе белән бергә фашист концлагерьлары аша уза. Җиңүдән соң төзелешләрдә хезмәт куя, анда яшь шәһәр төзелешендә катнаша.

Альбина Павловна 25 ел диярлек шәһәр Ветераннар советында эшләгән. Ул бүген дә яшьләрне патриотик тәрбияләүдә актив катнаша, мәктәп укучылары, студентлар һәм балалар бакчаларында тәрбияләнүчеләр белән даими очрашып, Бөек Ватан сугышы вакыйгалары һәм Җиңү бәясе турында сөйли.

Шәһәр Ветераннар советы рәисе Григорий Китанов билгеләп үткәнчә, Альбина Павловна — гаҗәеп язмышлы һәм гаять зур эчке көчкә ия кеше.