Түбән Камада «Бердәм Россиянең Яшь гвардиясе» эше Татарстан Дәүләт Советының Рәхмәт хаты һәм медале белән билгеләп үтелде. Бүләкләү тантанасы Казанда оешманың Татарстан төбәк бүлегенең XV хисап-сайлау конференциясе кысаларында узды.

Бүләкне ТР Дәүләт Советының мактаулы рәисе, «Бердәм Россия» партиясенең Татарстан төбәк бүлеге секретаре Фәрит Мөхәммәтшин тапшырды.

«Бердәм Россия яшь гвардиясе»нең Түбән Кама җирле бүлекчәсе җитәкчесе һәм партиянең җирле бүлекчәсе башкарма секретаре Татьяна Орлованы гуманитар ярдәм формалаштыруда актив катнашканы өчен «Россия волонтеры» медале белән бүләкләделәр. Аны Россия Герое, генерал-полковник Александр Лапин тапшырды.