Пензада «Гаилә» илкүләм проектының «Өлкән буын» федераль проекты кысаларында 3 сентябрьдән 7 сентябрьгә кадәр узган Россия пенсионерларының XI Спартакиадасы тәмамланды.

Ярышларда Россиянең төрле төбәкләреннән, шулай ук Белоруссиядән, Казахстаннан һәм Финляндиядән 700 дән артык «көмеш» яшьтәге спортчы катнашты. Катнашучылар бик яхшы физик әзерлек, рухи көч һәм актив озын гомерлелеккә омтылыш күрсәттеләр.

Түбән Кама районыннан Татарстан Республикасы җыелма командасы составында Валерий Сергеевич Рыжаков чыгыш ясады. Спартакиада нәтиҗәләре буенча Татарстан җыелма командасы бронза медаль яулады.

Валерий Сергеевичны һәм Татарстан Республикасы җыелма командасын лаеклы нәтиҗәләр белән котлыйбыз! Яңа спорт казанышлары һәм җиңүләр телибез!