Түбәнкамалыларны «Авыл лидерлары» бөтенроссия яшь идарәчеләр конкурсында катнашырга чакыралар.

Конкурсның максаты – авылдагы перспективалы идарәчеләрне һәм җәмәгатьчелек фикере лидерларын ачыклау.

Осталыкларын һәм тәҗрибәләрен 18 яшьтән алып 35 яшькә кадәрге гражданнар күрсәтә ала: муниципаль идарә, авыл хуҗалыгы һәм башка җитештерү тармаклары, иҗтимагый һәм сәяси эшчәнлек, туризм, мәгариф, мәдәният, спорт, сәламәтлек саклау, медиасфера, шулай ук башка эшчәнлек юнәлешләре өлкәләрендә авыл идарәчеләре. Шулай ук идарә итү тәҗрибәсе булмаганнар, белем бирү оешмаларында белем алучылар да катнаша ала.

Җиңүчеләр һөнәри һәм карьера үсешен озатуда, федераль, региональ һәм җирле дәрәҗәдә эксперт һәм консультатив органнар составына кертүдә, авыл торак пунктын яки муниципаль берәмлекне үстерү командасын формалаштыруда һәм «Авыл территорияләрен үстерү остаханәсе» белем бирү программасы кысаларында социаль, коммерция, инфраструктура яисә башка проектны гамәлгә ашыруда ярдәм алачак.

Конкурска 31 нче майга кадәр түбәндәге сайтта теркәлергә мөмкин.