2026 елның өч кварталында Түбән Кама районының җәмәгать транспорты 9 миллионнан артык пассажирны йөрткән. Бу хакта "Эшлекле дүшәмбе"дә «Пассажирлар йөртүдә диспетчерлык һәм оештыру үзәге» директоры Максим Парамонов сөйләде.

Транспорт челтәренең эш масштабын маршрут челтәренең күләме ачык чагылдыра: шәһәр автобуслары һәм трамвайлары, шулай ук шәһәр яны һәм дача маршрутларын да кертеп, көн саен 750 дән артык рейс башкарыла.

Мондый нәтиҗәләргә ирешүдә транспорт агымнары белән идарә итүне оптимальләштерергә, шулай ук хәрәкәт составын яңартырга һәм уңайлы инфраструктура булдырырга мөмкинлек биргән заманча цифрлы технологияләрне кертү аерым роль уйнады.

Транспорт системасын яхшырту буенча эш дәвам итә. Алда — цифрлы сервислар өслеген киңәйтү, 11 трамвай вагонын модернизацияләүне төгәлләү һәм трамвай юлларын яңарту.