Түбән Камадан унтугыз яшьлек хореограф Ангелина Мөхәммәтҗанова яшьләр арасында популярлык казана барган К-рор юнәлеше турында сөйләде.

- Ангелина, әйтегез  әле,  К-рор нәрсә ул?

- Бүген бу термин белән Көньяк корея музыкасын һәм биюләрен атыйлар. Бу юнәлеш хәзер яшьләр арасында бик модада.

- Ә бу биюләр белән шөгыльләнү идеясе ничек барлыкка килде? 

- Бу идея  үзеннән-үзе туды. Безнең шәһәрдә мастер-класс булды, мин анда катнаштым һәм мине җирле бию төркеменнән егетләр күреп алды һәм алар үз командасына чакырдылар һәм мин, әлбәттә, ризалаштым. Алар төп хәрәкәтләргә өйрәттеләр. Бу чор белән минем бик күп күңелле хатирәләрем бәйле. Ләкин мин китәргә булдым.

- Ни өчен? Сиңа монда бик ошый иде бит.

- Мин барысын да өйрәндем, үз төркемемне булдырырга һәм лидер булырга теләдем, мин үз белемнәремне башкалар белән уртаклашырга булдым. Мин «Ә ни өчен юк?» дип уйладым, мин үзем дә биергә яхшы өйрәндем, башкаларны өйрәтергә вакыт җитте. Социаль челтәрдә К-рор бию төркеме туплыйм, дип язып чыктым, кешеләр минем белән элемтәгә керде һәм эш башланды. Мин җавап биргәннәре өчен бик шатландым. Хәтта туганнарым да биюне өйрәтү һәм алга таба үсү яхшы, дип әйттеләр.

- Дәресләр өчен бүлмәне кайдан табасыз, кемнәр ярдәм итә?

- Башта без «Ковер» яшьләр үзәгендә күнегүләр ясадык, аннары мин менеджер Динарның үзенә биючеләр командасын җыюы турында тап булдым һәм шунда ук җавап бирдем. Хәзер без «Рубаха» арт-кластерында биибез, безнең командада өч хореограф бар һәм мин  - аларның берсе.

- Бию белән шөгыльләнү тормышыңны үзгәрттеме?

- Элек күп сөйләшми идем, ә хәзер без еш кына урамда биибез һәм безгә кешеләр карый. Соңгы тапкыр без шәһәрнең сәүдә үзәгендә чыгыш ясадык һәм аннан соң, без нинди төркем һәм безне кайда табарга мөмкин, дип сорагач, бик күңелле булды. Минем уйлавымча, безнең бию балаларга ачылырга булыша.