Татарстан Республикасы Рәисе Рөстәм Миңнеханов башлап җибәргән «Татарстанда җәй» республика программасы кысаларында 12, 13 һәм 21 микрорайоннарның ТИҮС рәисләре Артем Демидов һәм Әлфия Хөснетдинова үз округларында яшәүчеләр өчен «Төнге дозор» квест-уены оештырганнар.

Катнашучыларны гадәти булмаган сынаулар көткән. "Шашка патшабикәсе" стратегик фикерләүне тикшергән, “Марфушенька-душенька” мәкерле табышмаклар белән сынаган һәм өй буенча җаваплы кеше өчен кефир эзләү чын маҗарага әйләнгән.

"ДОМСЕРВИС"тан "КАМАЗ китерү" бурычы иң истә калган биремнәрнең берсе булды. Катнашучыларга сынауларны уңышлы башкарып чыгу өчен белемнәрен гамәлдә кулланырга туры килгән.

Химиклар урамындагы 12 нче йортның башлыгы Антон Кричмар җитәкчелегендәге команда җиңүче булды. Команда төп приз һәм күчмә кубок алды. Икенче урынны Кайманов урамындагы 11 нче йортның "Дюймовочки" командасы алды, ә бронзаны - Гагарин урамындагы 41 нче йорт буенча җаваплы ханым Алена Сорокина җыйган "Төнге патруль" командасы.

Оештыручылар киләсе уенны сентябрьдә уздырырга планлаштыралар.