Түбән Камада шәһәрнең йөзләгән укучысын берләштергән ике көнлек фән фестивале узды. Программа балаларга тәҗрибәләр, роботлар җыю, башваткычлар һәм программалаштыру аша инженерия һәм химия белән танышырга ярдәм итте. Бәйрәм СИБУРның «Яхшы эшләр формуласы» социаль инвестицияләр программасы ярдәмендә узды.

Вакыйганы «Менделеев таблицасы серләре» интерактив тамашасы ачып җибәрде, анда полимерларның тууын һәм газларның үзлекләрен күрсәттеләр. Фәннәр кандидаты Денис Жилин җитәкчелегендәге химия лабораториясендә балалар, үз куллары белән тәҗрибәләр үткәреп, беренче тапкыр реактивлар һәм профессиональ савыт-саба белән эшләделәр.

Укучылар спектроскоплар төзеделәр, үзләренең беренче компьютер уеннарын эшләделәр, механик башваткычлар чиштеләр һәм югары технологияләр белән таныштылар.

«Кванториум» технопаркы мәйданчыгында катнашучылар Lego роботларын һәм KUKA манипуляторларын программалаштырдылар, пилотсыз очкычлар белән идарә иттеләр һәм химик тәҗрибәләр үткәрделәр. Компьютер классында Кибер One халыкара кибермәктәбеннән мастер-класслар узды.