Бүген Халык иҗаты йортында Түбән Каманың иң матур йөгереше — «Бәбәй кросс» гаилә фестивале узды. 50 дән артык кечкенә спортчы тизлекләрен, характерларын һәм беренче спорт күнекмәләрен күрсәтү өчен дистанциягә чыкты.

Сабыйларның төп бурычы гади генә түгел: финишка мөмкин кадәр тизрәк шуышып барып җитәргә кирәк иде.

Катнашучыларны һәм аларның ата-аналарын Түбән Кама мэры урынбасары Марина Камелина сәламләде. Ул билгеләп үткәнчә, мондый игелекле гаилә вакыйгалары шәһәр халкын берләштерә, ә сабыйларның беренче җиңүләре Түбән Камага 60 яшь тулган елда аеруча зур бүләк була.

Биредә җиңелүчеләр юк иде – һәр катнашучы алкышлар, рухи ярдәм һәм шатлыклы хисләр алды!

Балалар һәм ата-аналар өчен иҗади мастер-класслар, аквагрим һәм анимацион программа эшләде.