«Түбән Кама Нефтехим» үткәргән  иҗади бәйгенең иң яхшы эскизлары өчен тавыш бирү тәмамланды.  Түбәнкамалылар иң яхшы 3 эскизны  социаль челтәрләрдә ачык тавыш бирү юлы белән сайлады.

Тавыш бирүдә җиңүчеләр:

1 нче урын - «Девушка-лаборантка», авторы - Татьяна Леонтьева;

2 нче урын - «Влюбленная пара», авторы - Илсөяр Әхмәдуллина;

3 нче урын - «Экология и природа родного края», авторы - Амалия Григорьева.

Иң күп тавыш җыйган өч хезмәт авторларын акчалата бүләкләр көтә: 1 нче урын - 100 мең сум, 2 нче урын - 30 мең сум, 3 нче урын - 20 мең сум. 1 нче урынны алган Татьяна Леонтьеваның эскизы профессиональ рәссамнар тарафыннан эшкәртеләчәк һәм СИБУРның Түбән Кама предприятиесе ярдәме белән Химиклар  урамы, 82 нче А йортының фасадын бизәячәк.

«Түбән Кама Нефтехим»ның махсус бүләкләре  иң яшь авторларга (18 яшькә кадәрге катнашучыларга) тапшырылачак. Якын арада бәйгене оештыручылар җиңүчеләр һәм яшь катнашучылар белән бүләкләр тапшыру өчен элемтәгә керәчәк.