ВЕРСИЯ ДЛЯ СЛАБОВИДЯЩИХ
Рус Тат
ВЕРСИЯ ДЛЯ СЛАБОВИДЯЩИХ

Трухин Владимир Васильевич


Химик, җәмәгать эшлеклесе

Трухин Владимир Васильевич 1941нче елның 4нче  ноябрендә Киров өлкәсе  Трушкино авылында туа. 1956нчы елда җидееллык мәктәпне тәмамлый. Колхозда эшли, армиягә алына. 1963 -1965нче елларда  Горький өлкәсе Арзамас шәһәрендә  фрезерчы  булып эшли.  1965нче елда Киров  шәһәренә килә, биредә  1965 - 1969нчы елларда  Киров шин заводында эшли. Бер үк вакытта  техникумда кичке бүлектә укый.  1969 - 1976нчы елларда Вятка Аланы районы  Сосновка шәһәрендә заводта эшли.

1976нчы елның февралендә Түбән Каманың  шин заводына  эшкә чакырыла. Автопокрышкалар җыю буенча участок мастеры булып эшли башлый.  1978 -1988нче елларда  җыю бригадасында бригадир булып эшли. Эш дәверендә заводның профсоюз һәм  партия тормышында актив катнаша.  1980нче елда  VIII шәһәр партия  конференциясендә  партиянең шәһәр комитеты   әгъзасы итеп сайлана. Тырыш хезмәте өчен завод администрациясе тарафыннан күп кенә мактау грамоталары, рәхмәт хатлары белән бүләкләнә. 1980нче елда аның исеме берләшмәнең Мактау китабына кертелә. 1981нче елда «11нче бишьеллык ударнигы» күкрәк билгесе, 1983нче елда  Хезмәт Кызыл Байрагы ордены белән бүләкләнә. 1986нчы елда аңа  “Түбән Кама шәһәренең Мактаулы гражданины” исеме бирелде.