ЛЕМАЕВ Николай Васильевич

Николай Васильевич  Лемаев  1929нчы елда Самара өлкәсендә  туа. 1956нчы елда инженер-технолог белгечлеге буенча читтән торып Уфа нефть институтын тәмамлый. Техник фәннәр докторы (1983).

1950нче елдан Яңа Уфа нефть эшкәртү  заводында төрле вазыйфаларда эшли: өлкән оператор, кизү инженер, көйләү җитәкчесе,  баш инженер,  цех җитәкчесе,  заводның баш инженер урынбасары.

1960нчы елдан -  Татар халык хуҗалыгы советы химия  сәнәгате идарәсе җитәкчесенең  урынбасары.

1963нче елдан -  Түбән Кама химия  комбинаты җитәкчесе.

 1969нчы елдан -  Түбән Кама нефть- химия  комбинаты  генераль директоры. 1977нче елдан  -  “ТүбәнКама Нефтехим” берләшмәсе  генераль директоры. 1985 нче елдан  -   министрның беренче урынбасары, 1985нче елның октябреннән  СССР  нефть эшкәртү сәнәгате министры.

1989нчы елның июленнән  -  СССР химия һәм нефть эшкәртү сәнәгате министры.

1955нче елдан  - КПСС әгъзасы, 1986- 1990нчы елларда КПСС ҮК әгъзасы. РСФСР  Югары Советы 11нче чакырылыш депутаты. 1990нчы елда  лаеклы ялга чыга.  

Николай  Васильевич Лемаев   - Социалистик Хезмәт Герое. Ленин, Октябрь Инкыйлабы, Хезмәт Кызыл Байрагы орденнары кавалеры.