21 октябрьдә җирле үзидарә Советының чираттагы сессиясе булды. Депутатларның бертавыштан кабул ителгән карары белән Кама Аланы Башкарма комитеты җитәкчесе итеп Сәгыйтов Ришат Раиф улы сайланды. Ул үз вазифаларын 2025 елның 1 ноябреннән башкара башлаячак.

Муниципалитет башлыгы Александр Павлов Башкарма комитетның хәзерге җитәкчесе Олег Дмитриевич Жуковка рәхмәт хаты тапшырды. Сессиядә шулай ук депутатларга таныклыклар тапшырылды һәм ике даими комиссия составы расланды: социаль-икътисадый үсеш, халыкны эш белән тәэмин итү, бюджет-финанс мәсьәләләре, муниципаль милек һәм төзелеш, җир төзелеше, мәдәният, торак-коммуналь хуҗалык һәм транспорт буенча.