Бу кыш аеруча карлы булды, шуңа күрә язгы ташу җиңел булмаска вәгъдә итә. Түбән Кама районы ташу чорына актив әзерләнә, бу мартның соңгы атнасында көтелә. Бүген Җиңү монументы янында гадәттән тыш хәлләрне кисәтүдә кулланылган көчләрнең һәм чараларның әзерлек смотры узды.

Су басу ихтималы булган зонага Кармалы, Пробуждение, Дмитриевка һәм Ильинка эләгергә мөмкин.  

«Язгы ташу – 2026» планы нигезендә, язгы ташу чорында барлык җаваплы хезмәтләрнең тәүлек буе кизү торуы оештырылачак. Чараларга 375 белгеч катнаша, 80 берәмлек техника, 19 йөзү чарасы һәм 5 мотопомпа җәлеп ителгән. 

Параллель рәвештә шәһәр хезмәтләре актив рәвештә карны чыгаралар, түбәләрне һәм подъездларны боздан чистарталар, яңгыр канализациясен юалар. Шулай ук суүткәргеч торбалар, насослар һәм траплар әзерләнә, ә авыл җирлекләрендә суүткәргеч каналларны төзекләндерү эшләре бара.