Сәламәтлек саклау идарәсе җитәкчесе урынбасары Зилә Хисмәтова Түбән Кама үзәк район күп профильле хастаханәсе баш табибы Сергей Мерясев белән берлектә Татарстанның әйдәп баручы белгечләре: Яр Чаллы баш онкологы Алмаз Хаҗиев һәм Республика клиник онкология диспансерының Әлмәт филиалы җитәкчесе Эльвира Сибгатуллина белән очрашты.

Очрашуда шәһәр халкы өчен онкологик ярдәмнең сыйфатын күтәрү һәм аннан файдалану мөмкинлеге турында фикер алыштылар. Төп тема медицина учреждениеләре арасында координация һәм 2026 елга пациентларны маршрутлаштыру булды. Онкологик ярдәм күрсәтү системасын алга таба үстерүгә юнәлдерелгән конкрет чаралар һәм инициативалар соңрак игълан ителәчәк.