Түбән Кама муниципаль районы башлыгы Радмир Беляев эш сәфәре кысаларында өстәмә белем бирү учреждениеләрендә булды һәм музыка мәктәпләре җитәкчеләре белән биналарның торышы, агымдагы мәсьәләләр һәм үсеш буенча планнар турында фикер алышты.

«Созвездие» музыка мәктәбендә түбә, коммуникацияләр һәм машина кую урыннарының торышына аерым игътибар бирелде. Мәктәптә сәламәтлек мөмкинлекләре чикләнгән балалар шөгыльләнә, парковка зонасын киңәйтү сорала. Башлык түбәне киләсе елга ремонтлауны планлаштырырга кушты.

Бызов урамы, 9а адресы буенча урнашкан музыка мәктәбе бинасын алга таба үстерү турында фикер алыштылар. Биредә “Нардуган” җыр һәм бию ансамбле, “Илһам” татар эстрада ансамбле һәм татар мәдәниятен саклау һәм популярлаштыру белән бәйле башка проектларны берләштерә торган бердәм мәдәни үзәк булдыру планлаштырыла.

Очрашуда шулай ук музыка мәктәпләренең аерым бүлекчәләрен уңайлырак биналарда берләштерү мөмкинлеге турында да сөйләштеләр. Гамәлдәге биналарны ремонтлау һәм финанслау чыганакларын эзләү буенча тәкъдимнәр әзерләнгән.

Төп бурыч - өстәмә белем алу мөмкинлеген саклап калу һәм балалар өчен музыка һәм иҗат белән шөгыльләнү өчен заманча, куркынычсыз һәм уңайлы шартлар тудыру.