1 июльдә Түбән Камада Хәрби хәрәкәтләр ветераннары көне уңаеннан «Рота, ушедшая в небо» йөреше узачак.

 Катнашучылар 17:30 да Яшьлек урамы, 7 адресы буенча җыелачак. Йөреш 18:00 дә башлана.

Колонна сугышчы-интернационалистлар һәйкәленә кадәр узачак, анда истәлекле митинг һәм чәчәкләр салу булачак. Йөреш вакытында түбәнкамалылар Әфган һәм Чечен сугышларында, шулай ук махсус хәрби операция катнашучыларының фотосурәтләре төшерелгән штендерлар тотып барачак.

Акциягә кушылыгыз! Әйдәгез, тыныч күк йөзе өчен гомерләрен биргән егетләрнең якты истәлеген бергәләп саклыйк.