Бүген «Эшлекле дүшәмбе»дә доклад белән «Мәгълүмати үзәк» МАУ директоры Максим Шаронов чыгыш ясады. Ул «Минем Түбән Кама» мобиль кушымтасын тәкъдим итте.

 Кушымтада яңа шәһәр яңалыкларын белергә, чаралар афишаларын күзәтергә, вакыйгаларга язылырга, оешмаларның һәм шәһәр сервисларының эше турында мәгълүмат алырга мөмкин.

 Кушымтаны city.e-nk.ru сылтамасы буенча яки «Rustore» каталогында йөкләп алырга мөмкин. Берничә минут эчендә теркәлергә була: телефон номерын кертергә, раслау кодын алырга һәм профильне тутырырга кирәк.

 «Мин инде кушымтадан файдаланам – кирәк булган бөтен нәрсә бер урында җыелган. Без мондый цифрлы сервисны гамәлгә кертүче республикада беренчеләрдән булдык. Бу практиканы үстерәчәкбез һәм башка муниципалитетлар белән тәҗрибә уртаклашырга әзер», — дип билгеләде Түбән Кама мэры Радмир Беляев.