Шинчылар пр., 44 нче йорт ишегалды «Безнең ишегалды» республика программасы кысаларында үткәрелгән масштаблы төзекләндерүдән соң ачылды. Үзгәртеп корылган территория барлык буыннар өчен чын бүләк булды.

Тротуарларны һәм машина юлларын ремонтлау, парковка зонасын киңәйтү, заманча эскәмияләр һәм уен комплекслары урнаштыру – ишегалдында булган үзгәрешләрнең бер өлеше. Аеруча игътибарны яңа тренажер мәйданчыгы җәлеп итә, анда яшәүчеләр саф һавада физик формаларын саклый алачак. Заманча яктырту тәүлекнең караңгы вакытында куркынычсызлыкны һәм уңайлылыкны тәэмин итәчәк.

Ишегалдын ачу кысаларында җылылык пунктын бизәү буенча акция узды. Микрорайонда яшәүчеләр, кулларына буяу һәм пумалалар алып, үзләренең иҗади сәләтләрен күрсәттеләр, бинаның фасадын якты арт-объектка әйләндерделәр.

Бәйрәм кәефен җирле иҗат коллективлары чыгышлары, зур курчак формасындагы аниматорлар һәм мавыктыргыч мастер-класслар күтәрде. «Безнең ишегалды» программасында иң актив катнашучыларга рәхмәт хатлары тапшырылды. Чара ТР Рәисе Рөстәм Миңнеханов инициативасы белән «Татарстанда җәй» программасы кысаларында узды.